SECM

ဦးသိန်းမြင့်သည် ရန်ကုန်စီးပွားရေးတက္ကသိုလ်မှ B.Com (IT)ဘွဲ့ကို ရရှိခဲ့ပြီးလက်မှတ်ရပြည်သူ့စာရင်းကိုင်(CPA)တစ်ယောက်ဖြစ်ပြီး စာရင်းစစ်ချုပ်ရုံး ဒုတိယညွှန်ကြားရေးမှူးချုပ်အဖြစ်နှင့် ရှမ်းပြည် နယ်စာရင်းစစ်ချုပ်အဖြစ်မှ အငြိမ်းစားယူခဲ့ပါသည်။ ပြည်သူပိုင်ကဏ္ဍ စာရင်းစစ်အဖြစ် (၄၂)နှစ်ကြာ အတွေ့အကြုံရှိသည့်အပြင် နယ်သာလန် နိုင်ငံမားတရစ်ချ်မြို့ နိုင်ငံတကာစီမံခန့်ခွဲမှုပညာကျောင်းမှ Diploma in Managerial Control and Management Information Systems ကိုလည်းရရှိထားပါသည်။

ဒေါ်သင်းသင်းအေးသည် ရန်ကုန် ဝိဇ္ဇာနှင့်သိပ္ပံတက္ကသိုလ်မှ ၁၉၈၀ ပြည့်နှစ်တွင် LL.B ဘွဲ့ကိုရရှိခဲ့ပါသည်။ ၁၉၈၂ ခုနှစ်တွင် ပြည်သူ့ဥပဒေအကျိုးဆောင်အဖွဲ့၊ ဗဟိုဥပဒေရုံးတွင် ဥပဒေအရာရှိအဆင့် ၄ အဖြစ် စတင်တာဝန်ထမ်းဆောင်ခဲ့ပြီး၊ ပြည်ထောင်စုရှေ့နေချုပ်ရုံး၌ ဒုတိယညွှန်ကြားရေးမှူးချုပ်ရာထူးအဆင့်အထိ ဥပဒေရေးရာ၊ တရားစွဲအမှုအလိုက်နှင့် စီမံရေးရာလုပ်ငန်းများ၊ အထူးအားဖြင့် ဥပဒေဘာသာရပ်လေ့ကျင့်သင်ကြားရေးကို ဆောင်ရွက်ခဲ့ပါသည်။ တာဝန်ထမ်း ကာလအတွင်း ဂျပန်နိုင်ငံ၏ ဥပဒေရေးရာနှင့် တရားစီရင်ရေးရာကိစ္စရပ်များတွင် လေ့ကျင့်သင်ကြားပေးနေမှုများနှင့်စပ်လျဉ်း၍ ဂျပန်နိုင်ငံ၌ JICA အစီအစဉ်ဖြင့် သင်တန်းတက်ရောက်ခြင်း၊ ဂျပန်နိုင်ငံ၌ မြန်မာနိုင်ငံ၏ ဥပဒေပြုရေးနှင့် ဆက်စပ်သောကဏ္ဍများ ဖွံ့ဖြိုးတိုးတက်မှုဆိုင်ရာ စီမံကိန်းနှင့် စပ်လျဉ်း၍ လေ့ကျင့် သင်ကြားခြင်း၊ မြန်မာနိုင်ငံတွင် KOICA အထောက်အပံ့ဖြင့် Myanmar Law Information System အတွက် ကိုရီးယားနိုင်ငံ၏ လေ့ကျင့်မှုသင်တန်းများကို တက်ရောက်ခဲ့ပါသည်။ တာဝန်ထမ်းကာလအတွင်း ဌာနတွင်းသင်တန်းများ၌ လည်းကောင်း၊ ပြည်ထောင်စုစာရင်းစစ်ချုပ်ရုံး၏ ဒီပလိုမာအခြေခံစာရင်းကိုင် သင်တန်းတွင် စီးပွားရေးဥပဒေဘာသာရပ်များကို ပြည်ထောင်စုရှေ့နေချုပ်ရုံး ကိုယ်စားပြု ဧည့်ကထိက သင်တန်းအဖြစ် ပို့ချခဲ့ပါသည်။ တာဝန်ထမ်းကာလအတွင်း
ရှေ့နေချုပ်ဆုတတိယအဆင့်ကို ၁၉၉၅ ခုနှစ်တွင်လည်းကောင်း၊ ရှေ့နေချုပ်ဆုပထမအဆင့်ကို ၂၀၁၅ တွင်လည်းကောင်း ရရှိခဲ့ပါသည်။ ဒုတိယညွှန်ကြားရေးမှူးချုပ် ရာထူးအထိ ဥပဒေအရာရှိလုပ်သက် (၃၆) နှစ် တာဝန်ထမ်းဆောင်ခဲ့ပြီး ၂၀၁၈ ခုနှစ်၊ မတ်လတွင် သက်ပြည့်အငြိမ်းစားယူခဲ့
ပါသည်။

ဉီးကြည်ဇင်ထွန်း သည် ရန်ကုန်တက္ကသိုလ်မှ သိပ္ပံဘွဲ့(ရူပဗေဒ)၊ ရန်ကုန်စီးပွားရေးတက္ကသိုလ်မှ ပြည်သူ့ရေးရာ စီမံခန့်ခွဲမှုပညာမဟာဘွဲ့နှင့် စီးပွားရေးပညာဘွဲ့လွန်ဒီပလိုမာကို လည်းကောင်း၊ မြန်မာနိုင်ငံစာရင်းကောင်စီမှ စာရင်းကိုင်ဒီပလိုမာဘွဲ့ကိုလည်းကောင်း၊ ရန်ကုန်အဝေးသင်တက္ကသိုလ်၊ လူ့စွမ်းအားအရင်းအမြစ်ဌာနမှ ဘွဲ့လွန်ဥပဒေပညာဒီပလိုမာကို လည်းကောင်း ရရှိခဲ့ပါသည်။ ပြည်ထောင်စုသမ္မတမြန်မာနိုင်ငံတော်အစိုးရ၊ စီမံကိန်းနှင့်ဘဏ္ဍာရေးဝန်ကြီးဌာန၊ပြည်ထောင်စုဝန်ကြီးရုံးတွင် ၁၉၉၂ ခုနှစ်မှ ၂၀၁၆ ခုနှစ် အထိ ဒုတိယရုံးအဖွဲ့မှူး၊ လက်ထောက်အတွင်းဝန် ရာထူးတာဝန်များကို လည်းကောင်း၊ စီမံကိန်းနှင့်ဘဏ္ဍာရေးဝန်ကြီးဌာန အောက်ရှိ ပင်စင်ဉီးစီးဌာနတွင် ဒုတိယညွှန်ကြားရေးမှူးချုပ်အဖြစ် ၂၀၁၆ခုနှစ်မှ၂၀၂၀ပြည့်နှစ်အထိ လည်းကောင်း တာဝန်ထမ်းဆောင်ခဲ့ပါသည်။ ၂၀၂၁ခုနှစ် ဇန်နဝါရီလ ၂၁ရက်နေ့မှစ၍ ငွေချေးသက်သေခံလက်မှတ်လုပ်ငန်းကြီးကြပ်ရေး ကော်မရှင်ရုံးတွင် ညွှန်ကြားရေးမှူးချုပ် နှင့် ကော်မရှင်အတွင်းရေးမှူး အဖြစ်လည်းကောင်းတာဝန်ထမ်းဆောင်လျက်ရှိပါသည်။

ကော်မရှင်သို့ သတင်းပေးတိုင်ကြားရန် စိတ်ပါဝင်စားသူများ Sign Up ပြုလုပ်ရန် ကျေးဇူးပြု၍အောက်ပါလမ်းညွှန်ချက်ကို သဘောတူညီပြီးမှသာ ကော်မရှင်သို့ သတင်းပေးပို့ပါရန်။

(က) စာရင်းဝင်ကုမ္ပဏီများ သို့မဟုတ် ငွေချေးသက်သေခံလက်မှတ်ကုမ္ပဏီများမှ ဈေးကစားခြင်းနှင့် မှားယွင်းစွာ ဆောင်ရွက်ခြင်းတို့နှင့်သက်ဆိုင်သော သတင်းအချက်များအား ကော်မရှင်မှ လိုအပ် ပါသည်။
(ခ) ပေးပို့သော သတင်းများ၏ဖြစ်ပေါ် တိုးတက်မှုအခြေအနေနှင့်စုံစမ်းစစ်ဆေးခြင်း၏ ရလဒ်များကို မေးမြန်း လာပါက ကော်မရှင်မှပြန်လည်ဖြေကြားမည်မဟုတ်ပေ။
(ဂ) ကော်မရှင်သည် ငွေချေးသက်သေခံလက်မှတ်လဲလှယ်ရောင်းဝယ်ရေးဥပဒေပါ တရားမျှတမှုမရှိ သော ရောင်းဝယ်မှုများနှင့် ဤဥပဒေအရထုတ်ပြန်ထားသော နည်းဥပဒေများ၊ အမိန့်ကြော်ငြာစာများ၊ ညွှန်ကြားချက်များ၊ လုပ်ထုံးလုပ်နည်းများပါ တားမြစ်ချက်များနှင့်အညီ စုံစမ်းစစ်ဆေးရန် လိုအပ် ပါသည်။
(ဃ) လက်ခံရရှိသော သတင်းအချက်အလက်များကို ငွေချေးသက်သေခံလက်မှတ်လဲလှယ်ရောင်းဝယ်ရေး ဥပဒေ ပုဒ်မ (၁၄)နှင့်အညီ စုံစမ်းစစ်ဆေးရန်အတွက် အသုံးပြုပါမည်။
(င) ပေးပို့သော သတင်းအချက်အလက်များ(သို့မဟုတ်) သတင်းပေးပို့သူ၏ ပုဂ္ဂိုလ်ရေးဆိုင်ရာ အချက်အလက်များကို ပြင်ပသို့ မပေါက်ကြားစေရန် တာဝန်ယူဆောင်ရွက်မည်ဖြစ်သည်။
(စ) ကော်မရှင်သည် ဈေးကွက်တည်ငြိမ်မှု ပျက်ပြားစေသည့် လုပ်ရပ်များအား ကာကွယ်တားဆီးရန်၊ စုံစမ်းစစ်ဆေးရန်နှင့် အရေးယူဆောင်ရွက်နိုင်ရန်အတွက် ငွေချေးသက်သေခံလက်မှတ်လဲလှယ်ရောင်းဝယ်ရေးဥပဒေပုဒ်မ (၄၉) ပါ တားမြစ်ချက်များနှင့်အညီ အရေးယူဆောင်ရွက်သည့်အဖွဲ့အစည်းများ၊ ဘဏ်များနှင့် အခြားသော အာဏာပိုင် အဖွဲ့အစည်းများသို့ သတင်းအချက်အလက်များ ဖြန့်ဝေဆောင်ရွက်ပါမည်။

ကော်မရှင်အဖွဲ့ဝင်များ၏ ကိုယ်ရေး

ဦးသိန်းမြင့်

ဒေါ်နွဲ့နွဲ့ဝင်း

ဒေါ်တင်တင်အုန်း

ဒေါ်သင်းသင်းအေး

ဒေါက်တာလေးကြည်

ဦးကြည်ဇင်ထွန်း

ဆက်သွယ်ရန်အချက်အလက်

Useful Links

Social Media