(၂၄) ကြိမ်မြောက် လစဉ်တွေ့ဆုံဆွေးနွေးသည့် အစည်းအဝေး
၂၀၂၄ ခုနှစ်၊ မေလ ၂၈ ရက်နေ့တွင် မြန်မာနိုင်ငံငွေချေးသက်သေခံလက်မှတ်လုပ်ငန်း ကြီးကြပ်ရေးကော်မရှင်မှ ဦးဆောင်ကျင်းပပြုလုပ်သည့် ” (၂၄) ကြိမ်မြောက် လစဉ်တွေ့ဆုံဆွေးနွေးသည့် အစည်းအဝေး” ကို ကော်မရှင်ရုံးအစည်းအဝေးခန်းမ၌ ကျင်းပပြုလုပ်ခဲ့ရာ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ညွှန်ကြားရေးမှူးချုပ် ဒေါ်နီနီဆွေက အဖွင့်အမှာစကားပြောကြားခဲ့ပါသည်။ အဆိုပါဆွေးနွေးပွဲသို့ မြန်မာနိုင်ငံငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး၊ ငွေချေးသက်သေခံလက်မှတ်ကုမ္ပဏီများ၊ ငွေချေးသက်သေခံလက်မှတ်ရင်းနှီးမြှုပ်နှံမှုအတွက် အကြံဉာဏ်ပေးသည့်ကုမ္ပဏီနှင့် စာရင်းဝင်အကြိုဈေးကွက်တွင် ကုမ္ပဏီများမှတ်ပုံတင်အကြံပေးအဖြစ် ဆောင်ရွက်ခွင့်ရရှိထားသော မှတ်ပုံတင်အကြံပေးကုမ္ပဏီများမှ တာဝန်ရှိသူများစုစုပေါင်း (၄၀) ဦး တက်ရောက်ခဲ့ကြပါသည်။