ညွှန်ကြားရေးမှူးချုပ် ဦးကြည်ဇင်ထွန်းအား နှုတ်ဆက်ခြင်းနှင့် ညွှန်ကြားရေးမှူးချုပ် ဦးမင်းဇော်ဝင်းအား မိတ်ဆက်သည့်အခမ်းအနားကျင်းပ
ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ညွှန်ကြားရေးမှူးချုပ် ဦးကြည်ဇင်ထွန်းအား နှုတ်ဆက်ခြင်းအခမ်းအနားနှင့် ညွှန်ကြားရေးမှူးချုပ် ဦးမင်းဇော်ဝင်းအား ကြိုဆိုသည့်အခမ်းအနားကို ၂၀၂၄ ခုနှစ်၊ နိုဝင်ဘာလ ၂၂ ရက်နေ့၊ နံနက် ၁၀:၀၀ နာရီတွင် ကော်မရှင်ရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။
အခမ်းအနားတွင် ကော်မရှင်အဖွဲ့ဝင်များကိုယ်စား ဒေါက်တာလေးကြည်က အမှတ်တရနှုတ်ဆက်စကားပြောကြားပြီး ဝန်ထမ်းများကိုယ်စား ဒုတိယညွှန်ကြားရေးမှူးချုပ် ဒေါ်နီနီဆွေကနှုတ်ဆက်စကားပြောကြားခဲ့ပါသည်။ ထို့နောက် ညွှန်ကြားရေးမှူးချုပ် ဦးကြည်ဇင်ထွန်းက အမှတ်တရစကားပြောကြားပြီး၊ ညွှန်ကြားရေးမှူးချုပ် ဦးမင်းဇော်ဝင်းက မိတ်ဆက်စကားပြောကြားခဲ့ကာ အမှတ်တရလက်ဆောင်ပစ္စည်းများပေးအပ်ခဲ့ကြပါသည်။
ထို့နောက် အခမ်းအနားသို့ တက်ရောက်လာသည့် ကော်မရှင်အဖွဲ့ဝင်များ၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်နှင့် အရာထမ်း၊ အမှုထမ်းများအား နေ့လယ်စာဖြင့်တည်ခင်းဧည့်ခံပြီး အခမ်းအနားကို ၁၂:၀၀ နာရီတွင် ရုပ်သိမ်းခဲ့ပါသည်။